曾若華唔怕負面批評：反而令我堅強咗

歌手曾若華（Jude）接受電台訪問宣傳新歌《他他他》，問到之前可受過負面批評？她坦言：「當然有，上年畀公司批評，但就令我更堅強。」她亦坦言初初出道時自信心較大：「初入行時世界好細，依家對呢行了解多咗，上年暫停個人工作，多時間睇網民嘅批評，知道人哋點睇我，例如話我唱功要下苦功，其實三年前我喺英國返嚟，對香港樂壇係冇認識，所以上年我有時間就對廣東歌更了解。」她亦謂至今未聽過有超級負面的批評，起碼沒有人身攻擊，但自爆當時在英國回來時曾有朋友指她發明星夢，她則謂：「但我性格係決定咗就要做，做唔到都要試。」她亦謂會透過寫歌抒發壓力：「但唔可以今日畀人鬧完或分手就即刻寫到，要抽離，用第三者角度先睇到多啲嘢。」