敢愛敢扑懲戒賤男　衛詩雅玩爆樽嗌過癮

影星衛詩雅（Michelle）、導演邱禮濤和編劇李敏在英皇電影《失眠》合作後，於新片《原諒他77次》中再度碰頭，三人更合力打造出現代新女性的敢愛敢恨一面。李敏在訪問中就直言角色是為Michelle度身訂做，開戲前已視對方為不二之選，更笑住透露當初與對方傾故事時在檳城的沙灘上，非常浪漫：「平時見佢好弱女咁，好想將佢可愛嘅一面呈現出嚟。」

提到戲中Michelle爆樽扑周柏豪，Michelle即大呼過癮，更謂自己與角色一樣敢愛敢恨：「如果我鍾意，會盡我能力去爭取。我嘅宗旨係我做過後悔好過我冇做過後悔。（有冇後悔以前冇試過咁激？）係囉，如果唔係嗰場就會演得更加好。」而李敏指除了讓Michelle挑戰爆樽外，亦安排了對方做「影後」：「佢仲問我佢背脊夠唔夠滑，條腰肥唔肥！」

提到李敏日前在網上為一眾編劇發聲求尊重而引起回響，她即笑謂會修改教學課程令學生有做編劇的心理準備：「第一堂教點樣去追番啲尾期，想講番啲唔方便嘅真相畀後生仔聽！」而邱禮濤亦坦言任攝影師時曾遇類似經歷：「其實做導演都可以好冇尊嚴，有啲大明星乜都唔識但喺度指指點點。」但謂做電影人應該「寸啲」，以正確態度回應不獲重視之舉。

髮型：Sing Tam (pi4.hk)（衛詩雅）

化妝：Cyrus Lee（衛詩雅）

服裝：Sinequanone（衛詩雅）

場地：Hotel Icon