黃翊自資幾十萬錄新碟:唔會急住出

20170627
東網電視
更多新聞短片
黃翊話自己唔係小朋友,簽約前要諗清楚。

最近重出樂壇的黃翊今日在觀塘出席街頭一個經典通人物活動,他即席高唱卡通片歌,他笑說:「呢啲卡通人物都係陪住自己成長。」他笑言「悟空」這個卡通人物好大隻,但當年自己好瘦好細粒,他笑說:「佢一變身啲髮型又金色又飛到好高,嗰時自己都gel頭扮靚,都gel到個頭好高,好似威啲出去識女仔。」

近期頻頻現身活動的他承認上TVB節目表演完後,確實有很多人想他復出再唱歌,他說:「咁啱又踫到呢啲機會,咁試吓以前未做完嘅嘢,睇吓可唔可以再做過。」目前自由身的他簽了經理人合約。(考慮再簽唱片公司?)基本上依家有幾間公司搵我傾緊,我自己已經唔係一個小朋友,要睇清楚先,我覺得如果係廿幾歲仲有好多時間,即使做錯仲可以返轉頭,但我哋呢啲唔可以再做錯,所以行得小心啲,睇清楚先落實一啲嘢。」

目前他已自資開始灌錄新歌,他說:「音樂我會自己做,對音樂要求有番咁上下,依家出面興嘅嘢,我聽講啲人唔係太鍾意,我驚啲歌唔係咁啱我唱,我自己做嘅好處可以揀番自己嘅歌。(幾時出?)一路錄緊,我唔會急住出,最緊要質素。(投資幾多?)少少哋都要幾十萬。」

雖然他重投歌唱路,但他的大牌檔生意則照常工作,他說:「我都轉咗行,做咗十幾年大牌檔,當然唔會話出返嚟唱歌就唔去做大牌檔,呢樣係我生活嘅地方,基本上做得好穩定,變咗依家timing幾啱我,我個仔又大個,可以抽多啲空檔做自己想做嘅嘢。」他可有打算跟仔仔合唱?他笑說:「睇個仔生唔生性,佢對音樂都有啲sence,依家佢學緊吹色士風,都吹得唔錯,老師話佢可以跳班,本來一級跳到第三級,都算OK,將來睇佢自己,因為我從來唔會逼我個仔做自己唔想做嘅嘢,最緊要佢OK,OK咪一齊做。」