波多野裕介唔抗拒踩過界做茄哩啡

20170627
東網電視
更多新聞短片
波多野裕介為人風趣幽默,更笑言唔介意做茄哩啡。

獲得金像獎「最住原創電影音樂」的日籍音樂人波多野裕介到電台宣傳其配樂的電影《今晚打喪屍》,邵音音女兒、波多野裕介的老婆許湘韻亦有現身。受訪時波多野裕介用半鹹淡廣東話表示用了很rock的音樂做電影配樂,學開classical music及jazz的他表示今次是首次有rock的元素,跟以前很不同。問到靈感從何而來?他表示是睇人打喪屍遊戲,亦坦言自己都畀自己寫的音樂嚇親:「因為如果我驚觀眾先會驚。」他亦爆太太都驚,有次把一段音樂畀她聽,太太都嚇親。

講到波多野裕介為人幾搞笑,而且表情生鬼,問到可有意拍戲?他笑言:「『茄哩啡』?ok呀,但我要練好啲廣東話先。(有冇興趣做戲?)睇吓有冇導演搵,不過都應該冇人搵我。」他亦謂羨慕好友葉山豪廣東話好犀利,亦希望到了六十歲時可以好像倉田保昭咁有型。問到可會想跟他們合作拍戲?他笑言他們負責演戲,自己就做音樂,亦謂嚟緊都會繼續做配樂。