老公預告結婚一周年送驚喜　陳少霞冧笑

藝人陳少霞與富商老公李文輝出席創世電視慈善晚宴，講到七月是兩人結婚一周年紀念，問李文輝會否送驚喜給太太，他表示正在籌備中，搞party或請去旅行都在考慮之列，他又指少霞令他信仰更虔誠，直言是上天派來教導他的：「感謝主畀我一個咁好嘅太太。」令身旁的少霞不時冧笑。少霞表示有意跟老公去耶路撒冷，但因人生安全等各種問題，會多禱告才決定何時成行。

另外，少霞表示之前未拍過福音電影，問到會否想嘗試一下，她說：「想架！但演技生疏咗好多，拍福音電影係好有意思，都想試吓。（仲有冇戲癮？）都可能有啲㗎！有啱嘅角色都想挑戰下自己。」老公亦表示支持， 問會否也一同上鏡？他笑說：「我唔係呢啲材料啦！不過睇神嘅安排。」