伊能静囡囡一岁生日　大个要做女富豪？

台湾艺人伊能静2016年为老公秦昊生咗囡囡“小米粒”后，每次喺社交网站分享生活相，几乎都会见到小米粒嘅踪影。不过伊能静近日就带咗大仔去欧洲旅行，所以就陪唔到小米粒庆祝一岁生日。但系佢都不忘喺社交网站上载小米粒嘅相，而且仲发文同囡囡讲番声生日快乐。

相中嘅小米粒身穿粉红色嘅裙仔，戴住一个花花头饰，十分可爱。而且佢仲好乖咁畀爸爸抱住一齐切蛋糕，场面十分温馨。除咗切蛋糕，秦昊亦都帮小米粒“抓周”，结果小米粒拣咗印章、元宝同计数机。见囡囡拣咗呢几样嘢，伊能静都留言话：“抓周这是要当女富豪的节奏？”