美女雲集!羅霖晒《深宮計》合照個個索

20170629
東網電視
更多新聞短片
嗌聲娘娘先啦~~
藝人羅霖(Candy)最近忙為無綫拍攝新劇《宫心計2深宫計》,其實Candy已經好多年冇拍劇,所以今次可以話係佢久休復出之作,難怪佢拍得咁投入!近日套劇終於煞科,Candy都有喺社交網上載着住戲服嘅相話唔捨得台前幕後嘅工作人員,可見呢段時間佢哋合作得好開心!
呢晚Candy就換番時裝出席劇集喺橫店舉行嘅慰勞宴,佢再次留言表達不捨之情:「晚宴後告老還鄉(返回香港),其他留在宮中的朋友同事們加油呀!幕後的同事們辛苦了。」而同劇嘅黃心穎、康華、陳煒、劉心悠、胡定欣、張慧儀、張文慈等藝人都有同Candy影合照,見佢哋舉晒酒杯咁,應該喺晚宴上傾得好開心,網民仲留言話好期待呢套劇快啲播出,因為覺得劇入面美女雲集呀!