慶祝同練海棠結婚18年　伍詠薇嗌奇迹！

藝人伍詠薇（伍姑娘）同老公練海棠結婚多年一直都好恩愛，不過去年（2016年）練海棠被踢爆密會大胸女，雖然係咁，伍姑娘好冷靜咁處理呢件事，仲代老公鞠躬致歉，最終都雨過天青，兩公婆和好如初！

轉眼間佢哋今日就結婚18年，當然要食飯慶祝啦！伍姑娘尋晚就上載合照喺Instagram兼留言話同老公繼續風雨同路：「Still pre- 18th wedding anniversary dinner.Mr.Lin's treat,Thank you for everything.#沒血緣關係有幾多個18年#我個人紀錄#奇蹟（迹）#風雨同路」原來佢哋尋晚仲係預祝結婚18周年，咁究竟今晚會點慶祝呢？