張智霖媽咪70歲！上山詩鈉晒合照賀壽

活躍於社交圈嘅上山詩鈉眾所周知係藝人張智霖（Chilam）嘅表姐，而資深藝人曹查理就係上山嘅舅父，真係成家都係演藝世家！而一向都好重視家庭樂嘅上山，呢日就上載一張同女兒Hilary以及佢大姨，亦即係張智霖媽咪嘅合照，上山喺IG為大姨送上生日祝福：「祝我最愛最美麗嘅大姨70歲大壽！You r so perfectly beautiful！Love u always！（你真係好靚，我愛你！）願你每一天都咁開心同快樂！Family members are always so precious！Treasure them always！（每一個家庭成員都係咁珍貴，要好好咁珍惜佢哋）」唔少網友都話張智霖媽媽個樣完全唔似70歲，保養得宜又識得打扮，皮膚仲要好似剝殼雞蛋咁白滑?！唔少網友話張智霖家族基因好強大，位位都咁靚仔靚女！