屎味海膽咩玩法！麥貝夷食三文魚遇蟲蟲

歌手麥貝夷日前在社交網站甫出一條影片，片中只見有蟲在幾塊三文魚之間爬來爬去，事後她向東網透露她的母親近日在一間外賣壽司店買了一盒壽司回家與她一起分享，卻發現有蟲：「有啲花之戀嘅壽司同一啲刺身嘅，刺身我哋比較後期先食，本身啲三文魚排到靚靚嘅，但我一揭開就發現有一粒『蟲哥』喺度，好活躍咁爬吓爬吓，然後大家就好驚訝！」

麥貝夷又指幾年前在同一間壽司店的美孚分店遇到不愉快事件，當時她買了一盒海膽壽司吃，但就發現味道非常苦，似是變壞了：「我就攞番去同個阿姐理論，我好嬲咁話『有冇搞錯，呢盒壞架喎』，佢就話『海膽壽司，有馬糞海膽㗎嘛！』我真係好配服佢嘅急才，但我都有反駁佢，我話『佢係馬糞海膽啫，但都唔使屎味㗎』！」她又謂當時有向食環署尋找協助，所以近日再次面對同類型的事件，亦知道應該如何處理：「根據上次經驗，食環署職員建議我遇到呢個情況，應該將食物包好放入雪櫃，確保佢維持喺你買番嚟時嘅狀態，因為如果要做任何調查，嗰盒食物就會變咗好重要嘅證物，依家我同咗食環署講，等緊佢哋跟進。」