楊洛婷佗B做女王　老公變管家照顧周到

前港姐楊洛婷（Rabeea）與樂隊Dear Jane主音Tim（黃天翱）相愛11年仍恩愛如昔，Rabeea今年有喜，現在懷孕6個多月的她，更成為家中「女王」，大晒與老公相處之道，婚後生活比拍拖更為甜蜜。

懷孕6個多月的Rabeea與老公Tim十分恩愛，老公成為「管家」，而Rabeea成為「女王」，懷孕後老公特別注意她的起居飲食，確保家中有足夠生果及牛奶，提點不可食太甜，十分體貼。Rabeea直言二人相處一直都好好沒甚麼拗撬：「佢幾聽我話，冇乜拗，一齊11年，溝通好好，知我鍾意乜，唔會激嬲我。我哋成日傾，佢每做完一個job，都會打畀我，問我『你今日食咗飯未』，『做嘢做成點』，我哋好多溝通，每晚瞓前都會有半個鐘左右傾偈，佢會成日講『I Love You，好愛你，我喺你身邊』，好Sweet。」她更笑言二人相處如拍拖一樣，會影甜蜜照，每星期都會去特別餐廳試菜，十分有情趣。她更大爆婚後Tim更黐家，放工就會立即回家陪伴，覺得即使有小朋友，都要有自己時間，與老公保持良好關係，要兩個人一齊維繫。

唔清楚香港教育制度

現今社會有不少怪獸家長，問到Rabeea會否是其中之一，她直言因為二人都是小時候在外國讀書，所以不知道香港的教育制度，已經去幼稚園展搜集資料：「我唔太怪獸，我哋唔係好識揀學校，見到有50幾間，我覺得語言好重要，我同老公都會講廣東話，英文同國語，揀學校會揀教幾種唔同語言，唔會揀太傳統。」曾任教playgroup導師的她，覺得小朋友先要playgroup，出去見識不同事物，但最重要是開心健康。

三年抱三

老公熱愛唱歌，Rabeea透露BB一聽老公唱歌就踢得好興奮，而且口味亦跟隨老公而改變，她說：「老公鍾意食甜品，佢食完飯就會諗食乜甜品，我就唔會，但依家佗咗佢BB後，真係遺傳咗，我餐餐食完都要叫甜品，佢就叫我唔好食咁多甜，佢怕我糖尿，口味上有啲改變。」雖然Rabeea未透露BB性別，但她都計劃要湊成「好」字，笑言至少生兩胎，要追近陳茵媺三年抱三。

場地：Kiehl's Nature Playground