阿嬌首次「生仔」畀男人圍：唔識做反應

藝人張智霖（Chilam）、鍾欣潼（阿嬌）和梅婷等到北京宣傳真人真事改編的驚慄電影《京城81號II》，眾演員穿上盛裝為電影造勢，當中以阿嬌的打扮最為養眼，身穿吊帶低胸長裙Hot到爆！阿嬌在戲中首度演大肚婆，現實中冇懷孕經驗的她拍攝前四出搜查資料，甚至連對手Chilam都唔放過，追問他老婆袁詠儀（阿靚）懷孕時的表現及肢體動作，令Chilam哭笑不得！Chilam說：「我咪又係同佢一樣都冇大過肚！所以都係講啲阿靚（大肚時）好明顯嘅表現。」講到最難忘的場口，首次演大肚婆的阿嬌直言是第一次分娩的一場戲，她說：「拍生BB嘅一場戲，現場有十幾人圍住我，全部都係男人，起初真係唔識做反應，後來發現大家目標其實好一致，就係想快啲收工，所以我好快就生咗！哈哈！」