盧海鵬試完咪之後試Bra：我寧願飛釘

「神級扮嘢王」盧海鵬幾乎咩都扮過，早年的「盧海鵬試咪」已經技驚四座，今次為奇妙電視節目《放試》做騷又有新搞作，就係「盧海鵬試Bra」。

最近日本流行男士戴Bra，據稱可令男士胸部線條更突出，經拍檔簡采恩遊說後，盧海鵬鼓起勇氣終極一試，但始終不理解為何日本男士突然興起戴Bra，更勾起自己當年為做節目扮女人跳芭蕾舞：「當時需要穿上巨型芭蕾舞衣，仲要塞幾個橙同墊入胸圍裏面製造巨胸效果，因為巨型胸圍橡筯太緊，穿戴一次就胃痛幾日，依家提起都怕怕！」聽他一席話，大家終於明白盧海鵬為何對胸圍有抗拒，他說：「寧願『飛釘』也好過戴Bra。」