翟威廉開Live聚樂勢力　陳庭欣走音Hea唱

藝員陳庭欣、翟威廉、周志康、何廣沛、梁麗翹、黎振燁、鍾君揚、麥凱程在鑽石山出席明珠台「Amazing Summer」的《男子漢大丈夫》節目記者會。

翟威廉近期每個星期也在big big channel開Live與周志文、周志康等藝人唱歌，他們的「Happy Live」甚受歡迎，有數千人觀看。問是否打算闖樂壇？翟威廉笑說：「其實我喺裏面係唔唱歌，打入樂壇就要靠周志文、周志康，開呢個Happy Live其實想好Hea咁去玩唱吓歌，我哋請嘉賓講明唔使練歌，唱到好似唱聖詩都可以上嚟玩。」

難忘18歲領取身份證

至於陳庭欣則笑說：「我前幾日咪上去囉，唱到走晒音，遲入咗幾拍都冇人理，哈哈。」而她將前往斐濟拍攝《3日2夜》節目，為期十天，為了此行，她打算先在香港考潛水牌：「考潛水牌對自己都好大挑戰，自己唔屬水性，所以都幾高危，要加緊訓練。」

由於新節目《男子漢大丈夫》內容主要是介紹世界各地的成日禮習俗，問兩人18歲生日如何度過？陳庭欣與翟威廉指最深印象是去領取成人身份證，將踏入三十歲的陳庭欣更笑說：「我都就嚟29+1，依傢安排緊慶祝，可能會開Live直播，年紀可以Keep住身型，結婚生仔就冇諗喎！」