43歲楊恭如晒自拍　同楊怡撞樣？

43歲嘅「玉女掌門人」楊恭如近年主力喺大陸發展，搞到唔少香港觀眾都好掛住佢。不過楊恭如都好識做嘅，不時喺微博晒吓靚相慰藉粉絲。呢日佢又上載一張自拍照，仲留言自爆係電視劇迷：「等不到電視劇更新了，夜貓今晚得早點休息啦！」

照片中，着上黑色衫嘅楊恭如身材纖細，眼大大好靚女，真係一啲都唔似43歲！網友睇完後都紛紛激讚索，不過亦有人覺得佢好面善，仲話冇見楊恭如一排個樣幾似視后楊怡。望真啲，兩人又真係幾鬼似，不如下次影個合照相認吓吖！