甜品客集資出碟 陳蔚琦恨同盧凱彤合作

20170707
東網電視
更多新聞短片
陳蔚琦(左)希望有機會同偶像盧凱彤合作。

女新人陳蔚琦(Tiff)以創作歌手身份勇闖樂壇,畢業於美國波士頓帕克利音樂學院的Tiff對香港樂壇充滿希望,並透露首支單曲《TC》是一眾顧客集資,Tiff說:「我本身有整同教人做甜品,啲客人知我理想係做唱歌,所以我就發起集資,最後籌到五位數字,夠出一首單曲,我都好開心,除咗係自己嘢外,喺咁多人支持我先做到呢件事。」Tiff否認有家底豐厚,她說:「呢年幾教整甜品啲錢大部份投放音樂上面,有嘅零用錢都擺晒落去,畢業之後都冇問過屋企人攞零用,都多謝父母由細對我嘅音樂栽培。」問到是否擁有甜品店?Tiff說:「唔係,只係開班教人,同埋接訂單。」

曾做幕後為歌手錄音的Tiff希望有機會同偶像盧凱彤合作,她說:「好欣賞香港嘅創作歌手,好似盧凱彤,希望有一日可以同佢哋合作啦,創作好得意,多啲人做就可以擦出火花。(盧凱彤公開出櫃?)作為一個歌迷見偶像可以做最真實自己戥佢開心。」