彎腰都痛　梁藝齡患僵直性脊椎炎

藝人梁藝齡曾拍過不少經典劇集包括96年版《笑傲江湖》、《老友鬼鬼》及《書劍恩仇錄》，但近年已淡出娛樂圈，她到調景嶺明愛白英奇專業學校出席「生命禮讚分享會」活動時，前輩胡楓見到她即熱情送抱，又摸她面珠，老友鬼鬼。

冇諗過復出

問到藝齡現時有否戲癮？她說：「驚自己應付唔嚟，前幾年有拍過福音電影，覺得自己唔識做戲，放得太耐，而且同以前拍劇唔同，要四、五日拍晒。（有冇電視台或電影公司搵你復出？）冇呀，我都唔想。」

51歲的她保養得宜，問到其保養方法，她說：「冇㗎！盡量11點前瞓覺，我依家返朝九晚五，可以早啲瞓，仲有飲多啲水，做啲女仔都做嘅皮膚護理。」不過她透露近年患有僵直性脊椎炎，要keep住食藥，平日彎腰會感疼痛，亦不能穿高跟鞋。