名人:諸葛紫岐爆老公拒仔仔上真人騷

20170707
東網電視
更多新聞短片
諸葛紫岐話老公唔鍾意仔仔曝光。

娛樂公司老闆娘諸葛紫岐(Marie)為旗下藝人呂晶晶與曾傅君慶祝生日,她稱已第三年為他們慶生。提到工作,Marie表示有投資電視節目,以綜藝真人騷為主,因為製作劇集需要投資太多金錢及時間,問到會否參與真人騷節目?她說:「我未知,有人搵我傾過,我未知係點,時間上要再安排。(同埋老公、囝囝一齊拍真人騷?)仔仔唔會,老公好唔鍾意仔仔畀人影到,老公都唔會,佢要做嘅話要先減肥,我雖然鍾意佢肥,但觀眾未必鍾意。」另外,她透露暑假會一家人到美國旅行。

Marie又透露最近與2位朋友合作投資內地演唱會基金,投資金額逾五千萬元,因2位朋友在此方面十分有經驗,運作上會做到一條龍服務,包括製作、場地、賣飛等等,繼說:「我哋會為歌手在內地、香港及澳門製作演唱會,例如請韓國歌手去香港同澳門開演唱會,搵香港歌手去內地開演唱會。(最想幫邊個開演唱會?)搵錢最緊要,最重要係賺到錢,內地好多二、三線城巿,個巿場好大。」