響應世界無胸罩日　歐陽巧瑩真空出騷

藝人歐陽巧瑩（Tammy） 以綁帶低胸背心到觀塘出席「apm一起download的日子」，為無綫宣傳big big channel。

Tammy作為「解放乳頭運動」不戴Bra的支持者，她說：「我要響應今日7月9日『世界無胸罩日』，我有做安全措施，有黐膠紙，有貼乳貼。（今日出街特別多人望？）頭先我都係上車落車，係嚟到呢度多人啲。（男友林師傑畀你咁着？）佢知我咁着㗎，我畀咗佢睇㗎！」

問到Tammy除響應「世界無胸罩日」，問會否也考慮響應「世界無褲日」（No Pants Day），只着底褲搭港鐵？她說：「其實我係因為有個好後生嘅朋友患乳癌，而我喺網上面睇咗一啲講法，話戴胸圍會增加患乳癌機會，所以我想身體力行，呼籲大家關注啫！」