林伊麗香港補辦婚宴　美女如雲

參選港姐出身的無綫娛樂台主播林伊麗（Michelle）於今年三月與周姓男友假峇里舉行婚禮，昨晚在港補辦婚宴，佢邀請咗一班港姐好姊妹出席，當中包括朱晨麗、林思韻及歐陽巧瑩，婚宴美女如雲！相信呢個晚上令Michelle永遠難忘。

今日Michelle喺社交網上載咗多張婚禮花絮相，留言：「『H&M』Wedding！Everything is so sweet and lovely! Thank you all for coming with all the blesses!（所有事情都非常甜蜜幸福，謝謝大家嘅出席和祝福）謝謝我的Mr.Chow！我最愛的姐妹團和最帥的兄弟團！我的家人同事們朋友們！謝謝你們！Love You All! PS.大家發些合照給我吧！」

字裏行間感受到林伊麗嘅喜悅，相中就見到Michelle甫了不少與老公嘅合照，簡直隔住mon都感受到佢嘅幸福，認真甜蜜！另外，仲見到朱晨麗、歐陽巧瑩等賓客嘅合照，場面相當開心，網友紛紛送上祝福，繼續幸福快樂。