前無綫藝人沈震軒（Sammy）早前接受奇妙電視訪問，對於一向被指形象花弗，他坦言：「邊有咁多溝女王呀！我喺感情方面其實好遲鈍，食檸檬就多！要數真拍拖嘅話，咁耐以嚟都係得2次！」Sammy希望新歌能為個人形象大平反﹕「希望外間唔好畀電影《喜愛夜蒲》個角色誤會咗我囉！」沈震軒坦言以往拍電視劇比較入屋，故當決定接拍《喜愛夜蒲》時都備受非議：「我嘅性格比較變態，鍾意將人哋覺得錯嘅嘢扭番啱，又鍾意將自己逼埋去死角，等自己唔使諗咁多！」

遇上伯樂黃柏高

沈震軒又解釋當初決定不再續約無綫的原因，謂：「其實我每10年就會有1個大轉變，離開comfort zone！所以喺無綫第9年，我已經開始諗第10年要點樣發展，然後就遇上伯樂黃柏高（Paco）。（同對方點樣認識？）有次我去睇演唱會，Paco走埋來問我想唔想出唱片。我心諗『係咪吹水呀？』，原來之前Paco喺兒童節目見到我唱歌，覺得我唱得好，所以已經諗緊簽我。」