跳舞學校帶動業界　蘇志威獲頒榮譽院士

歌手蘇志威獲香港專業評審中心頒發「榮譽院士」殊榮，蘇志威一家人及草蜢成員蔡一智亦有前來見證得獎一刻，他表達自己的獲獎感受：「想不到了（普通話），好開心呢個係一個好有認受性嘅獎項，每年都不定人數拎呢個院士，當日我喺20幾個人面前演講關於我間跳舞學校iDance，包括一啲博士、教授、校長仲有議員。而我今次呢個係屬於『美與健』界別，佢哋覺得我對呢個業界有好成就，帶動到香港跳舞行業。同埋佢哋最驚喜係我嘅管理，開業至今嘅員工流失率係百分之3，員工係好有歸屬感。而公益方面我從事30幾年演藝事業，都會捐出我第一堂嘅學費，都過百萬。」問到心情是否緊張？他說：「緊張，入面拎院士15個人當中，有幾個人仲係上市公司主席。」

而身旁的好兄弟蔡一智隨即表示：「你都係樂壇班霸CEO！同埋都好特別，見住自己小學同學戴住頂院士帽。同埋好耐冇見蘇媽媽，佢話成個蘇家讀書最唔好就係佢，依家拎咗個院士。我都衷心替佢開心，係一種榮幸，希望下次可以睇佢做埋博士。」最後蔡一智講到：「雖然我哋無讀大學，但終生學習係我哋草蜢嘅目標！」