黃翠如蕭正楠放電　「魚蛋粉」催婚

藝人黃翠如與男友蕭正楠經常耍花槍互相鬥嘴，愛得黐纏，又喺社交網放閃！今日黃翠如又發功，上載同男友嘅合照，兩個人情深對望充分散發濃烈愛意，放閃程度已達頂級，好多網友都話頂唔住！而兩人心口都插住副太陽眼鏡喺度，真係慌死人唔知佢哋有幾襯，黃翠如仲留言：「黃脆薯VS蕭佳麗」，真係有情趣。網民就讚佢哋天生一對，打風都打唔甩。

翠如的粉絲團立即作出回應：「真係頂你哋唔順，成日放閃，成日sweet sweet…麻煩你兩個快啲拉埋天窗，了我哋『魚蛋粉』一件心事啦」、「​因為光速絕對超過音速，所以最快速的溝通不是語言而是眼神?」。