【獨家】脹爆！衛蘭揸41cm特長M巾四圍走

現年35歲的歌手衛蘭（Janice），自年前跟教友Roger分手後，曾多次與其他異性約會，但統統都是「冇米粥」，心情跌至谷底的她，曾自閉家中狂食發洩療情傷。今年初，Janice與細妹衛詩（Jill）接受電台訪問時均稱沒有拍拖對象，直至上個月，Jill突然爆家姐有追求者，而Janice亦坦言跟對方已相識半年，有單獨約會。既然有對象理應容光煥發，不過始終同「電單車」結下不解之緣的Janice，似乎中了「不瘦降」！

衛蘭升Cup

日前下午3時半，Janice當司機載住細妹駕車離開大圍寓所，並先在火車站放下女友人後，兩姊妹把座駕停泊在路邊，齊齊到附近超市購物。身高5呎3吋的二人，目測現時體重至少達140磅，身形脹爆圓碌碌，未知是否生理周期關係，見身穿白衫的Janice上圍位明顯升cup，仲肚谷谷，又有勁深黑眼圈，個樣勁殘。而戴帽穿深色Tee的Jill，上圍同肚腩幾乎成一直線，有如水桶身形。

衛蘭專吼零食

兩姊妹進入超市後，Janice極速拿了一包41cm特長夜用的M巾，而細妹就往選購零食，之後往排隊付款，鬼妹仔Janice支持環保不用袋，拎住包M巾大搖大擺行出門口，而細妹就手持零食尾隨家姐，之後一齊去攞車返歸。Janice那張不修邊幅的妝容，未知會否嚇走「男朋友」呢？