朱栢謙孖鄧智堅合作讚拍檔轉數快

樂隊組合朱凌凌成員朱栢謙今日出席有份主演的音樂劇活動，提到是次劇目繼2016年後載譽重演，朱栢謙表示今次加入了不少新元素：「今次我哋無論服裝、音樂、布景都加入咗好多新元素，仲有幾個特別嘅超現實造型。（演出嘅時候有冇咩困難？）有呀，今次角色係廿幾歲嘅人，同我嘅年齡有啲差距，所以我要操弗身體同埋諗一啲小動作，去配合個角色年齡層。」提到今次演出有被稱為舞台劇鬼才嘅鄧智堅加入，朱栢謙就大讚拍檔轉數快：「同佢合作好開心呀，大家識咗咁多年，我已經轉數唔算慢，但佢更快，簡直令我應接不暇，非常襯佢飾演嘅角色！」朱栢謙透露8月朱凌凌將會重聚，會有一個Facebook Live唱歌表演。