許家傑呻同袁偉豪咀嘴慘過被強姦

無綫藝人許家傑（Jack）與袁偉豪早前為劇集《棟仁的時光》拍攝一場男男咀嘴戲，花絮片放上網後令大批Fans笑爆咀，劇中不停咀人的袁偉豪咀慣咀熟，反而Jack顯得一面不情願，場面搞笑！事後Jack受訪時笑言被袁偉豪的鬍鬚狂拮，感覺慘過被強姦：「大家以為同男神咀好正？其實好慘，好似畀海膽拮，第一次咀真係好深刻，我嚇到眼都凸，呢個係真反應，武指度咗動作，佢一下抽起我個頭，再錫落嚟，好似亂世佳人咁嘅甫士，佢上我下，我Feel到佢個嘴頂實我啲牙，每個Take仲要咀住五、六秒，慘過被人強姦。（有冇伸脷？）冇啦！大家點到即止，呢個係我獻畀同性嘅初吻，好深刻！（證明自己係直？）呢樣從來冇懷疑過喎！」