旅行先嚟病！羅伊婷紐西蘭玩乜都冇感覺

羅伊婷（Daisy）、皓聖（Match）、趙詠瑤（Kimi）及李健邦（Suzuki）到電台宣傳ViuTV的新節目《Out筆豬仔團》，他們表示這次四人行去到紐西蘭拍攝節目，並分成兩組分別去紐西蘭的南島及北島，原先節目組指會有60萬的開支預算，但去到當地機場後他們就發現被騙：「結果咩開支七除八扣之後，每邊得番2萬紐元，即係10萬蚊港幣左右，2萬紐元用14日，仲要照顧埋每邊嘅8個crew，我哋肉隨砧板上，同埋去到冇理由唔玩㗎。」又笑言旅程最初過得好開心，但差不多用盡「盤川」時，就要打工賺錢。

其中Kimi與Suzuki一組去南島，不過他們的旅程中波折重重，有幾個原先計劃去的景點或活動都臨時要取消，兩人笑說：「本身諗住玩叫Swing嘅極限運動，但因為太大風玩唔到，一單就算啦，但有一日去到一個市鎮諗住去游水，點知山泥傾瀉，成個市鎮入唔到，好多事發生！（有咩係成功？）冇，淨係坐車同坐車。」而Daisy就與Match一組去北島，他們表示當地紫外線高，所以曬黑了不少，又指因為溫差大，所以Daisy在旅程期間不慎攝親，Daisy說：「我哋要去食fine dining，我就着啲see through嘅衫，但就攝親，第三日就開始病，發住燒咁玩skydive，完全冇咗個感覺，冇興奮又冇緊張。」