甄澤權計劃開魔術學校：要專業同大型

魔術師甄澤權（Louis）與歌手泳兒出席活動，他表示自己年少時的讀書成績不算好，但亦可以過關順利畢業：「我大學嘅時候參加課外活動比較多，學魔術，但都上足堂，我中學時期就經濟科好啲嘅，所以大學都讀marketing，雖然同做魔術師好似冇咩關係，但依家我可以幫自己做marketing，學以致用！」他又透露有意成立自己的魔術學校：「呢個比較困難，我要做就要做間專業同大型嘅學校，未必係今年嘅事，要多啲時間去做呢件事，同埋我都唔想淨係有間學校喺度，但我唔係成日去幫手。」

正籌備新魔術節目的Louis謂現時與團隊埋頭苦幹去構思新魔術及做實驗，因一輯節目需要有80至100個魔術，相信過幾個月大家就可以欣賞到。至於今年可會開魔術騷？他說：「11月會喺加拿大開，依家都plan緊喺內地、澳門、香港等等，上次喺香港開都已經係3年前，睇吓今年年尾可唔可以再試吓！」