黃翊宣布再戰樂壇 300歌迷力撐

20170716
東網電視
更多新聞短片
黃翊闊別歌壇20幾年。

闊別歌壇二十多年的歌手黃翊宣布再戰樂壇,他特別大搞歌迷聚會,獲300歌迷到場支持,他太太陳存正和12歲兒子都有來捧場。黃翊表示1990年時他有一個歌迷會,但隨着他離開樂壇後歌迷會亦等如「執笠」,不過多年來亦有十多名Die Hard Fans,大家關係已變成朋友,不時有到他大排檔來傾偈見面,而自他早前上了無綫演唱後,有歌迷說不少朋友想聽他唱歌提議他開歌迷聚會,起初他只預150人場地,沒料反應熱烈,最後要轉更大場地招待300歌迷。

為了在今次歌迷會上演出,黃翊坦言:「練歌一定要啦,因為好多人都話黃翊係唱得嘅,好似標籤咗我,所以我都有啲壓力㗎,呢排密密練歌,加上嚟緊有新歌出都要唱好啲。」講到兒子終於信爸爸是歌手?黃翊謂:「唔係話信,而係佢知道爸爸真係一個歌手,佢見到爸爸做嘅嘢好似愈嚟愈有規模,愈嚟愈多人參與,見到佢都幾興奮,依家我好多時都帶埋佢一齊去做嘢想同佢Close啲,畀佢知道爸爸做緊乜嘢事,而仔仔因為讀國際學校佢好少聽廣東歌,想畀佢聽吓我唱嘅歌。」

問到這個暑假是否少了時間陪兒子?黃翊謂:「因為錄音又做宣傳工作喺陪少咗,不過仔仔鍾意打乒乓波,屋企有張長枱,所以都有同佢打波。(咁太太有冇投訴?)佢冇,家人都好支持我唱歌,而我做嘅嘢要令佢哋開心先做。」