名人：楊文蔚做運動員唔拍戲

跳高女神楊文蔚現身商場活動，並獲贈以其外貌作造型的Figure，她表示十分開心擁有自己造型的Figure，最有趣是關節位可隨意活動，她笑言可用來做教材。楊文蔚除了跳高外，也會接模特兒工作，問她會否出相集或仿效同場的香港女飛魚歐鎧淳出書？她坦言：「相集就唔會，我想做多啲運動方面嘅嘢，最近都冇計劃出書，我想儲多啲經驗同經歷先，感情先會深刻，內容先會豐富，出書我覺得係退役後嘅一個總結，我依家啱啱做全職運動員，有好多經驗要累積。（你有冇興趣其他方面？例如拍戲？）最重要係時間上遷就到，但拍戲需要好長時間，我暫時未有咁多時間，所以我接嘅工作都係要好快完成，拍廣告都只可以用好短時間，因為唔可以阻住我訓練同休息，但拍戲要好多時間，所以唔會拍喇。（有冇人搵過你拍戲？）之前有啲Casting，但之後冇再傾落去。（想同邊個合作？）冇諗過。唱歌各樣都未有考慮。」

對於同場另一位女神歐鎧淳，楊文蔚表示兩人之前已經認識，但同場出席活動是首次，問到會否視對方為女神？她說：「佢當然係女神啦！但我自己就唔覺得自己係囉！」