特大床好梳乎　蘇施黃金燕玲坐郵輪去沖繩

藝人金燕玲同密友蘇施黃（阿蘇）都係大忙人，近日佢兩個趁住放假，就結伴去咗日本沖繩玩，不過佢哋唔係搭飛機去，而係選擇坐船，今日阿蘇喺社交網上載多張喺郵輪上嘅相，其中一張仲係同金燕玲嘅合照，阿蘇留言話：「放假啦！坐船去日本沖繩島六日遊　起航了 」

睇相見佢兩個笑晒口，似乎心情好興奮！阿蘇仲影低咗房間嘅相，間房除咗有一張特大嘅床同一個大衣櫃之外，仲有大量生果提供，真係夠晒歎呀！