蔡思貝舊愛麥秋成自認單身好耐

藝人蔡思貝緋聞男友麥秋成到荃灣出席「SENS Star Kids Contest 2017」，問到有指藝人黃淑儀兒子徐肇平對蔡思貝展開追求，麥秋成說：「有聽過，我同徐肇平都識，friend嚟，佢哋兩個都鬼妹、鬼仔性格，個新聞睇完笑吓啦！（你點形容你同蔡思貝依家嘅關係？）朋友。（有傳你哋離離合合，其實係轉地下情？）係咩？我哋係好朋友！（會唔會積極啲搶番思貝返嚟？）咁靚女係應該多人追！（有咩攻勢？）唔講呢啲啦，我依家單身，都單身咗好耐！」他又指近日忙於籌備劇本，他說：「我搞緊一個關於跳舞嘅劇本。（會搵蔡思貝合作？）睇情況需要。」