JW借新歌晒恩愛：男友好有安全感

歌手王灝兒（JW）到電台宣傳新歌《安全感》，她坦言想唱出女生的心聲：「我比較感性，同填詞嘅陳詠謙傾偈就會多啲呢類題目。（有拖拍所以唱甜蜜嘅歌？）唔知點解呢輪收到啲Demo都好Sweet，冇特登嘅。」她指新歌想帶出溫暖的感覺，叫男生不要藏起自己的不開心：「如果佢假笑會令我更難受，希望我可以同佢分擔。（係你真實心態？）絕對係，我覺得男仔肯講心底話，我就覺得好安全，因為佢信我。如果佢送好多嘢畀我，但唔肯講心入面嘅嘢，我會好冇安全感。（男朋友呢？）佢所有嘢都好有安全感！」

想同LMF及農夫合作

JW自爆空閒時會缺乏安全感和胡思亂想：「我一定要不停做嘢，一日有兩、三單嘢做，就算冇都要塞個Facial落去，去旅行都要有個大概嘅計劃。」回想初入行時，她一邊讀書一邊唱歌，但成為全職歌手後卻突然變得空閒：「嗰時好冇安全感，一冇嘢做就去學唱歌同跳舞，又做兼職。」她自言喜歡接受挑戰，但有時要人推動。至於加入新公司兩年，她認為最滿足是有一首Rap歌和開了個人演唱會：「好多人同我一齊跳舞，最開心係唱抒情歌嘅時候有人話我唱到佢哋嘅心聲，搵到共鳴。」JW透露很想跟LMF及農夫合作，認為一班人在台上很有氣勢、很好玩。

相隔6年出碟

說到上次出碟已是6年前，JW表示很期待推出新碟，連粉絲都投訴等了很久：「我好想擺埋《原來只因深愛著》落去，想圓滿啲，但呢首歌做咗好耐。」拍攝新碟照片時，她穿上有懷舊英倫感覺的宮廷裝：「想做女人少少。（有冇谷胸？）冇，今次想講女仔心底嘅故事，唔需要性感。（接受到性感？）OK嘅，但適合先會做。」