糖妹望生日前錫到真愛：我心急㗎

歌手糖妹出席活動，之前曾推出台北旅遊書的她表示今年未能趕及在書展推出新書：「本身想做本香港嘅旅遊書，可以畀其他地方嘅人睇，但真係做唔切，同埋依家拍緊劇，變咗冇時間整。」

提到曾預告在7月16日（昨日）與陳山聰為劇集《逆緣》拍攝熱吻戲，但因下大雨而要延期拍攝：「我哋成日帶晒喉糖返去TVB，帶咗清新空氣嘅嘢去拍戲，點知等咗好耐都未拍，又取消咗。（失望？）都唔會，只係覺得又延長咗嗰個驚。」至於與山聰是否已混熟？她說：「都混熟咗嘅，但未試過拍呢啲，我又口窒喇，其實都唔算好激情，又唔係床上戲，唔知自己緊張啲咩。」

陳山聰唔計呀

問有多長時間未有錫過男仔？糖妹笑說：「好耐，單身咁耐。」然後就扯開話題指她有份演出的一集《流行經典50年》播出後，收到很多朋友的短訊，很開心大家支持她唱歌。問朋友可支持她拍拖？她笑謂全部朋友及樂迷都支持她早日找到另一半：「希望10月生日之前真係錫到人啦，畀人錫都好。（陳山聰？）唔計呀！鍾意嗰個錫係唔同嘅。」

她又透露現時身邊未有理想對象：「每一日都要開工，真係未有，有啲失望，希望加緊腳步啦，依家7月中啫，我10月中先生日。（好急？）急呀，我成日都同大家講我心急㗎。」