新聞主播鄭萃雯宣布離開無綫

無綫新聞主播鄭萃雯（Karen）喺2006年加入無綫新聞當實習記者，今日佢就喺社交網貼文並上載多張相片話自己要離開無綫，佢留言：「再見新聞部。」相中可見，佢就喺新聞部唔同地方拍照留念，其中一張相仲見到佢不但手拎住個好精緻嘅3D立體造型蛋糕，上面仲有佢個樣嘅公仔，而且佢仲收到一束好靚嘅花，上面就有佢嘅相片，仲有寫住「最愛女主播」嘅糖，認真有心思，相信Karen嘅人緣一定好好喇！

其實Karen早前都有上載過同囝囝嘅相至社交網，暗示離開，佢就話：「媽媽應承多點陪你們。」相信今次Karen離開無綫，一定希望可以有多啲時間同陪伴愛兒，唔少網友都送上祝福！