《玄學星相》：翠如蕭正楠2019年宜結婚

東網巨星節目《玄學星相》內容精彩，經常批中城中大小事件，今集請來玄學家黃立棣師傅來到沙田剖析此地的風水格局，黃立棣師傅除了大讚沙田的風水格局，旺丁又旺財外，更預測和家人居住在馬鞍山的黃翠如，有機會於2019年與男友蕭正楠拉埋天窗！

講起沙田的風水格局，黃立棣師傅表示因為山管人丁、水管財，沙田背靠大帽山，所以沙田可以旺人丁。藝人黃翠如之前都和屋企人住在馬鞍山，黃立棣師傅表示翠如有機會於2019年和蕭正楠拉埋天窗，他說：「黃翠如係屬雞嘅，1981年出世，今年俗稱叫犯太歲年。而蕭正楠嘅八字係卯，今年係酉，卯酉相沖。其實佢哋今年係一個考驗嘅年份，過咗今年之後，下年蕭正楠嘅夫妻宮逢合，有機會感情昇華。但如果配合之下，2019年結婚嘅機會比較大。因為2019年係豬年，亦都係蕭正楠嘅犯太歲年份，一般犯太歲年份係代表改變，改變有機會係更加好嘅改變，結婚就可以一喜擋三災。」

沙田另一個出名的地方是馬場，JW（王灝兒）就經常與她的富貴男友Tarzan出入馬場，二人的姻緣又如何？黃立棣師傅說：「以JW八字嚟計，呢位先生唔一定係佢真命天子，因為佢嘅夫星係金，而佢個八字屬於火旺，下年佢八字步入「寅午三合火局」，火會剋金，佢哋下半年感情會有波折。」想繼續聽師傳點講？只要Click入東網巨星，睇《玄學星相》就更啱Feel！