黃雅斯有心思送「曲尺」賀男友曲赤生日

Rapper曲赤（K-CHEK）早前生日，獲女友黃雅斯（Szebi）、導演梁家榮、電影人甜筒輝等為他慶生，曲赤指收到一份特別禮物，他說：「女友黃雅斯好有心思，送上為我度身訂做嘅禮物，就係一把識得噴錢嘅『曲尺』！我叫佢『曲尺』，其實佢係一把手槍造型可以噴錢嘅玩具，寓意幾好！女友咁有心思，我當然好鍾意，好多謝佢！（有咩表示？）對佢好啲，錫佢多啲！其實呢把係我第二把『曲尺』，之前我姨媽都送過同一份禮物畀我，我依家好事成雙喇！」