羅仲謙舉重不敵「香港蛙后」江忞懿

藝人羅仲謙出席健康運動會所開幕活動，在活動中與「香港蛙后」江忞懿（Yvette）進行30秒的啞鈴比賽，結果不敵對方。羅仲謙表示現在不再是大隻仔，出席活動前本打算穿着運動裝，但大會則希望他穿回嘉賓裝。問到是否因此收埋胸肌，他說：「唔好期望咁多啦，得就好得，但冇以前咁Fit，嗰時團火勁啲，但依家都有Keep跑步，唔畀自己肥，冇以前咁壯健。（點解團火熄咗？）要開工，又多嘢諗。（諗生仔？）呢樣不嬲都想，努力中。」

羅仲謙承認早前買了三個工廈單位，他說：「一直都想買屋，之前想買又抽唔中，但始終香港係屋企，依家買樓又要排隊，會繼續物色合適單位投資。（對樓市有信心？）我覺得買樓都要承擔風險嘅。（掃貨？）唔好話掃，以前1千萬叫豪宅，依家5百呎已經叫豪宅。我主要想投資啲實用啲，5、6百呎可以畀到一家人住，一個單位就夠。」羅仲謙透露太太楊怡明日會飛到外地拍攝無綫新劇《再創世紀》，他自己8月中亦會開拍內地劇，兩夫妻需要分隔半年才可見面。