書展：歐陽偉豪踩過界搞出埠睇樓團

節目主持兼大學講師歐陽偉豪（Ben Sir）到灣仔書展出席分享會，他表示今次主要是分享廣告研究：「今次內容主要係講語言學同埋廣告創意，最近我都拍咗廣告，分享吓未來廣告嘅可能性。（今年冇出書？）有，係有關四字成語，分享成語同諺語嘅運用，創作內容相對少啲。」

講到早前開騷，Ben Sir直言出盡九牛二虎之力，如果觀眾支持，將有計劃再開騷，笑言：「始終係賺錢，點解唔做呀？到時要再谷盡腦汁再諗計。」Ben Sir形容自己是半個藝人，除了拍攝微電影外，之後會赴外地拍攝新節目：「新節目叫《Ben Sir睇樓團》，帶大家睇大阪、曼谷啲樓。（踩過界分享埋樓市？）都係帶啲資訊畀大家。（順便睇樓再出擊？）唔出擊喇，我之前都傾家蕩產。（唔諗買多層？）唔喇，我係1變2變番1，唔似大家1、2、3、4、5間屋咁上！」