新劇花絮率先睇 馬浚偉爆周秀娜勁蝦碌

20170720
東網電視
更多新聞短片
終於煞科喇!

藝人馬浚偉、蕭正楠和米雪等在尖沙咀出席無綫重頭劇《宮心計2深宮計》煞科宴。在晚宴開始之前,大會便播放了《宮》劇的花絮及精華片段,當中包括不少香艷場面,除了有馬浚偉與胡定欣咀嘴外,更有蕭正楠咀劉心悠和馬國明咀黃心穎,以及馬國明半裸露點和周秀娜出浴等精彩場面,令在場的台前幕後睇到嘩嘩聲。

呻同馬明蕭正楠開工悶

在戲中做皇帝享盡艷福的馬浚偉受訪時,就笑指與蕭正楠、馬國明三個佬一齊開工時氣氛悶爆,但與胡定欣、周秀娜等靚女同場時便即因她們養眼而舒服晒。他又笑謂周秀娜加入劇組後鬧出不少笑話:「佢好多蝦碌,佢講唔慣古裝對白,好好笑,同埋佢眨眼比正常人慢。」又笑指劉心悠有時講廣東話對白講得未夠標準,搞到不小心講了粗口:「佢講啲Number Nine嗰個音!」又謂杜之克及梅小青等都想找他拍下一部無綫劇,但工作日程暫時排到下年年尾。