Haters網上玩攻擊 林一峰:聽嘅人好難受
歌手林一峰到電台宣傳9月底舉行的演唱會,問到是否不介懷別人對自己的看法?他笑言只要大家不覺得他是衰人就可以:「好多嘢冇得控制。我都有介意過,網上好多Haters、人身攻擊,啲人留個言好似放個屁咁易,但聽嘅人好難受,我嘅平衡方法就係創作。」提到歌曲《影子戰》,一峰表示這歌是關於網絡欺凌:「呢啲人好似影子咁冇樣,被欺凌嘅人點同影子打?要打有把握嘅仗,同埋敵不動我不動。」

作為獨立音樂人,他覺得創作時不能計算回報,要之後才嘗試從中尋找商業價值:「當你擺個心出嚟,可能會遇到意想不到嘅好嘢。」至於有份創立的網上音樂集資平台,一峰坦言成績超出很多人的預期,兩年來籌集到6百多萬港元,實踐了數十個音樂計劃:「好感動!之前好多人潑冷水。」談到音樂路上曾否遇過迷失?他指創作大碟《思路》時想做太多事,結果有點眼高手低:「大家冇空間去消化,但我冇後悔,啲歌都幾好,但感情擺得太多。」