黃曉明只值7分？Baby公開產後收身秘訣

Angelababy自2015年與黃曉明拉埋天窗，今年年頭仲生咗囝囝「小海綿」，Angelababy懷孕時身材真係冇乜點走樣，就算去到臨生前，手腳仍然纖幼，生咗之後極速收身，唔夠三個月就以Fit爆姿態全面復出，完全唔似生個咁款，呢啲得天獨厚嘅身材，真係恨死唔少人！

Angelababy接受訪問時，自爆懷孕時體重最高峰都係去到119磅，產後快速減去20磅，依家體重維持喺唔夠100磅嘅水平，被問及有何收身妙法，Angelababy公開兩大法則同埋一個秘訣：「產後收身最重要的秘訣是自律，運動是加快新陳代謝，但是最重要的還是少吃一點。」於訪問中談及黃曉明，Angelababy笑言老公工作太忙連見面時間都少，所以只值7至8分。