陸漢洋賽車發生碰撞　苟芸慧旺男友奪標

藝人苟芸慧（苟苟）早前隨同賽車手男友陸漢洋出戰《亞洲勒芒衝刺盃》，於馬來西亞雪邦國際賽車場舉行的第二會合賽事，結果獲一冠一亞佳績，苟芸慧繼五月時陪男友首次出戰亞洲勒芒衝刺盃首站獲雙冠軍後，今次第二回合再次獲一冠一亞兼全場最快圈速，可謂認真旺男友。

希望代表車隊出賽

身為車隊的形象大使兼培訓車手的苟苟，此行親自為車隊拍攝短片，為車隊留下每一個值得紀念的時刻。她說：「我好鍾意同車隊一齊做嘢，大家都好投入，我喺旁邊負責拍片，見到佢哋好專心，能夠加入係一件幸福嘅事。」今次趁着有空檔，苟苟亦有落場練車，成績比之前練習時進步了不少。苟苟謂一定會繼續努力，希望在不久將來可以代表車隊出賽。

向總冠軍目標進發

另外，陸漢洋表示其中一場賽事過程十分驚險，比賽開始不久，賽車即與另一輛賽車發生碰撞，由本來的第二排位落後至最後位置，事後他說：「當時腦海一片空白，話畀自己聽唔緊要，雖然落後咗，但香港精神永不放棄，一定可以追到，呢個係每一個車手應有嘅心理質素，雖然嗰場最後未能奪冠，但大家都盡晒力，攞到全場最快圈速，絕對係一個鼓舞。今次攞到一冠一亞，已經交咗功課，希望最後一個回合再創佳績，向盃賽總冠軍目標進發！」