爆薛家燕奪飛躍獎?黎諾懿望全家拍廣告

20170725
東網電視
更多新聞短片
黎諾懿爆響口,指8月28日播出新劇是為薛家燕奪飛躍獎鋪路。

藝員黎諾懿到尖沙咀出席新劇《燦爛的外母》慰勞宴,諾懿笑言與薛家燕一齊夾錢請食飯,講到活動上宣布新劇將於8月28日播出,他直言拍攝中段收到通知,是近年少見的安排。問是否有特別原因?他笑言:「應該係捧家燕姐拎飛躍獎!(你拎過未?)冇喎!留畀家燕姐!(有分男女飛躍!)咁齊齊攞OK㗎!(想拎獎?)冇諗好耐,依家做咗爸爸,只諗S兩棟(錢),湊大個B,獎只係錦上添花。」

問為何不帶小春雞與一班叔叔姐姐見面?諾懿說:「最近流感好勁!(畀小春雞露面拍廣告?)半歲前都可以,畀佢玩一陣啦!到一歲就要慢慢減少,想佢見識咗之後過番正常小朋友嘅生活,有個快樂童年。(一家三口接廣告拍?)呢個真係睇錢,因為太太好怕醜,講得郁佢條數應該好可觀!」