港姐:「游生」袁文傑睇好雷莊𠒇

20170727
東網電視
更多新聞短片
袁文傑睇好雷莊?(右)。

《2017香港小姐競選》港姐外景嘉賓袁文傑與十二位佳麗在台北出席微風廣場活動。袁文傑今次變身「游生」在旅程中考驗佳麗,昨日與潮流達人考驗一班佳麗潮流觸覺,他說:「尋日啲女仔可能舟車勞頓,可能有少少疲倦,今日狀態就好好多,我都已經記得晒佢哋嘅名,可以隨機抽樣考驗佢哋。」

「游生」坦言對何依婷及雷莊𠒇印象最深,勝在夠自信,何依婷整體夠平均,雷莊𠒇則肯吸收意見改變自己,昨日還成為服裝環節冠軍,他說:「尋日服裝考驗環節,雷莊𠒇着自己嘅衫,我同兩位潮流達人都覺得佢着得比較差,咁鬧完佢畀咗意見,佢有聽書喎,再揀衫就有一百八十度嘅改變,變成最sharp嘅一位,呢個係好好嘅改變。」

問拍攝時變身「游生」的袁文傑可擔心搞喊佳麗?他笑說:「都會照『抦』照鬧,相信佢哋參加得都預咗要接受考驗,我哋都係講出真嘅意見,等佢哋汲取多啲經驗改變自己,去到決賽嗰晚咪正囉。」