鮑起靜自爆為拍劇減磅：個個都弗到爆

藝人鮑起靜在將軍澳出席無綫新劇《同盟》之「皇者駕臨」活動。劇中有大量動作戲的鮑起靜在台上稱，與展鵬在台灣拍被追殺戲份時，因不夠對方跑得快而搞到抽筋。受訪時，她坦言拍攝《同盟》是從影以來最大挑戰：「日以繼夜咁拍，直頭係拍到放早餐都繼續拍，去到中午先收工，最長連續開30幾個鐘。」更稱見到大家咁辛苦，自己都不敢病：「同埋有人成日同我講，唔入TVB都唔知自己要減肥，TVB個個都好弗、弗到爆，發現自己真係咁肥，以前我都話唔使減啦我呢個年紀。」但她表示難戒口，宵夜始終都會忍不住食即食麵。問會否再幫無綫拍劇，她坦言有突破或會接拍。