動漫節：王卓淇輸咗條腰　唔夠林泳淘撼

TVB藝人林泳淘及王卓淇到會展出席香港動漫電玩節開幕禮，兩人擔任大使大玩cosplay！泳淘露腰扮演暗黑女神，但卓淇則扮演善良仙女艾娜，造型似乎太密實，她說：「我都可以（性感）㗎！但要尊重設計師，今年係我第一年嚟動漫，好好玩呀！」問到之前有否試過cosplay？卓淇表示13歲時曾扮過百變小櫻：「因為我個朋友好鍾意個卡通，逼我扮，我就扮得比較hea，佢仲重現漫畫撞低小櫻一幕，搞到我跌落地，動漫人世界真係好投入。」

至於泳淘表示連續第二年到動漫節，之前因工作訪問過cosplay愛好者，自己扮過美少女戰士及反串男角，她更自誇扮男仔好靚仔。

兩女均自認打機迷，擇偶也一定要投其所好，卓淇說：「男友一定要打機，仲有係咁讚我打得叻，最好一齊打，如果本身唔識但特登為我學，都係一種愛。」泳淘則謂：「就算唔識都要尊重我打機，生日要送遊戲畀我！」

-----------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/Xp7hQr