陳慧敏推出新碟反思人生

20170728
東網電視
更多新聞短片
陳慧敏推出第三張個人專輯《一粒嘢》。

歌手陳慧敏(慧敏哥)隔了兩年,今日推出第三張個人專輯《一粒嘢》,當中收錄網絡熱爆作品《濠仔的心願》及最新派台作《城市人》。專輯名字《一粒嘢》的名字由來,源於慧敏哥對自己的身份認同,她說:「我曾經因為自己細粒(矮小)而傷心喊過,毫無自信,直到有人用『粒』呢個單位形容我,話我係一粒厲害嘅AAA電池,我先發現,呢個只係我畀人哋嘅一個印象啫。」她坦言當初很介意別人對自己的看法,但後來她發現,原來「一粒嘢」可以好厲害!她說:「一粒種子,係萬物之始;一粒米,可用作養活人;一粒礸石,價值連成;一粒藥,可以拯救世人,甚至一粒子彈就足以摧毁生命....更甚嘅係,萬物其實都係由基本粒子所組成,人活喺地球上,都只係一粒沙咁渺小,而人嘅一生中開始到結束,其實都只係由每一個微小嘅當下組成。」

慧敏更進一步反思,她說:「人常想渴望大事,以目標前進,但可有好好把握當下?做好微細嘅事,先能建立基礎成就大事。如果我哋每日做好一日,先可以成就一段美麗人生。」她製作這張《一粒嘢》專輯,從「一粒嘢」開始,透過無限故事,將微細的一切,創造無限可能。而在尋覓方向的人生路途上,她體會到8份重要的力量,而這些都成就了她生命的光;所以她藉着這8份精神,創作了專輯內的作品。