憧憬同性婚姻　林一峰媽咪幫手揀另一半

歌手林一峰接受電台節目主持梁泰來訪問，被問為何早在2002年勇於以藝人身份公開自己是同性戀，他解釋：「有乜嘢好介意呢！一個人真摯係最重要，如果左掩右掩、呃呃吓，咁係咪好冇癮呢？」一峰感謝家人給予的支持和自由度：「感恩！好感恩有思想開放嘅父母。佢哋從來冇干涉我感情事，佢哋最緊張係我健健康康、開開心心，咁就可以喇。」

率先向父母表白性取向

在求學期間，林一峰已向父母「出櫃」。問父母當時如何回應？他說：「佢哋冇講乜嘢，因為我樂於主動同佢哋分享我嘅故事。爸爸唔會出聲，媽媽有時會評論『呢個男仔唔好，找下一個更好的啦！』」

他又回想第一次帶男朋友回家見家人的情景：「佢哋冇乜大反應，我諗佢哋會當我嘅男友係我一個新朋友。我經常都會帶朋友返屋企，佢哋好喜歡認識我嘅新朋友，互相了解！冇乜嘢特別！」

對於父母能接受自己性取向，一峰相信除了因為父母思想開明，也因為自己得到父母的信任：「我諗係佢哋見我從細都唔會行差踏錯，做事好小心、好有負責任，呢樣嘢令佢哋好放心。」

為愛情放棄台灣發展

林一峰曾被妹妹林二汶取笑情人多得可以「坐滿一個博覽館」，他否認：「我真係冇咁多時間，但刻骨銘心嘅就有幾段。」他自言是個「戀愛大過天」的人，願意為愛侶作出犧牲。

他憶述讀大學時，曾被台灣滾石唱片公司賞識，邀他到台灣以組合形式發展。但在台灣生活半年還未出道前，他已毅然放棄這機會回港，他坦承當中極大原因是為了當時在香港的另一半：「一來，當時我大學仲未畢業，要有個學位向家人交代；二來，當然為拍拖啦！哈哈……為愛情啦！」

與外籍男似認識三世

林一峰現與外籍男友穩定交往，被問與伴侶的關係，他樣子陶醉地說：「依家同佢關係好健康、好開心。因為佢冇辦法經常留喺香港嘅原因之一。（你哋一齊有幾耐？）唔講喇，遇到一個啱嘅人，就好似認識了三世一樣，似係相處有三十輩子都唔夠咁。喺埋一齊幾多年都唔重要。」問會否對同性婚姻有憧憬？他說：「我相信社會權益。香港需要為人權做啲事情，人權包括婚姻，每人都有得選擇。」