「胡說八道會」澳洲Trip正式出發

20170730
東網電視
更多新聞短片
祝閣下旅途愉快。

「胡說八道會」一班好姊妹胡定欣、胡蓓蔚、姚子羚、胡杏兒等,早前就已經表示會一同飛澳洲為無綫拍攝特輯,講咗一段時間,原來佢哋已經密密出發喇,雖然今次出發係低調進行,不過佢哋幾個女仔都有上載合照去社交網自爆行蹤。

未出發先興奮,佢哋今次喺香港機場出發其實都未齊人,獨欠有工作在身嘅黃智雯,雖然係咁,其他成員都忍唔住喺機場狂影相,就連曾經嗌「退會」嘅定欣都有Upload相,到咗澳洲墨爾本又甫相,唔知嚟緊仲有冇多啲玉照開心Share呢?其實智雯之前講過上次一班人去旅行,已是胡杏兒結婚前的台灣之旅,所以今次嘅澳洲Trip別具意義,仲有杏兒肚中嘅Baby Lee,成班女仔一定嘈到癲~~